Në kopshtin e Kino Lumbardhit, nën qiellin e hapur, të martën në mbrëmje, në organizim të studio Helix u mbajt festivali i Kuvendit Komunal të Prizrenit “Rock live”.
Para adhuruesve të Rock-ut, në një atmosferë me tinguj të jashtëzakonshëm të kësaj muzike, u paraqitën 6 Rock grupe, dhe veterani i rok muzikës kosovare Menan Kiseri.
Në skenën e Kino Lumbardhit të përgatitur enkas për këtë festival u paraqitën: Jehona Lumi & Pulse,
Albina Kelmendi & Band; Mentor Haziri & Kthejllu; Hithat; Ay Yildizlar dhe Ege Band.
E veçanta e mbrëmjes ishte paraqitja e Menan Kiseri me bendin. Menan Kiseri është njëri ndër rockerët e parë të Kosovës. Ai në skenë është për më shumë se 4 dekada dhe njihet për stilin e veçantë të muzikës së tij.
Ai para publikut prizrenas u paraqit me repertorin e këngëve të kompozuara nga ai, të cilat ishin hite nëpër vite.