Në “Ismail Qemali” votimet në rregull, angazhohen persona përgjegjës për respektim të masave

Prishtina

Në “Ismail Qemali” votimet në rregull, angazhohen persona përgjegjës për respektim të masave

Më: 17 tetor 2021 Në ora: 09:29
Në shkollën “Ismail Qemali”

Në shkollën “Ismail Qemali”, në kryeqytet procesi i votimit ka filluar me kohë.

Menaxherja e kësaj qendre votimi Mimoza Krasniqi ka sqaruar se në këtë shkollë të drejtë vote kanë 7 605 votues, ku gjithsej janë 9 pika votimi.

“Kjo qendër votimi i ka 7605 votues, në këtë qendër janë 9 pika votimi, dhe secila pikë votimi e ka numrin e caktuar të votuesve”.

“Kjo qendër është hap në ora 07:00 dhe gjithçka është duke shkuar në rregull”.

E për respektimin e masave anti-Covid, Krasniqi tha se në secilën qendër votimi janë vendosur persona përgjegjës për të treguar për respektimin e tyre.

“Sa i përket masave anti-Covid, në secilën qendër janë caktuar personat përgjegjës, ku ka postier që tregojnë, ka dezinfektues si dhe qytetarët po vijnë të pajisur me maska”.

Numri i personave që do të votojnë për herë të parë në zgjedhjet e sotme është 41 mijë e 12 votues.

24 mijë e 697 kanë arritur moshën 18 vjeçare pas 14 shkurtit kur u mbajtën zgjedhjet parlamentare apo do ta arrijnë këtë moshë deri sot më 17 tetor në ditën kur po mbahen zgjedhjet lokale.

Zgjedhjet do të monitorohen nga mijëra vëzhgues të vendit, ndërsa Bashkimi Evropian tashmë ka dërguar një mision për vëzhgimin e zgjedhjeve lokale. Kërkesa drejtuar BE-së për këtë mision vëzhgimi është bërë nga presidentja e Kosovës, Vjosa Osmani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat