​Qytetarët aktivë kërkojnë anulimin e Sunny Hill në Gërmi

Prishtina

​Qytetarët aktivë kërkojnë anulimin e Sunny Hill në Gërmi

Më: 5 korrik 2022 Në ora: 10:28
Foto ilustrim

Qytetarët aktivë i janë drejtuar me një shkresë kryetarit të Prishtinës Përparim Rama dhe Drejtorisë së Parqeve të cilët kanë kërkuar anulimin e vendimit për lejimin e mbajtjes së festivalit Sunny Hill në peisazhin e mbrojtur të Gërmisë.

Në bazë të Ligjit Nr. 03/L-233 për mbrojtjen e Natyrës, Neni 151 e përcakton që planet për shfrytëzim të mirave të Natyrës duhet pjesëmarrja e publikut, pra qytetarët.

Neni 151

Pjesëmarrja e publikut në vendim marrje

1. Gjatë hartimit të akteve ligjore, përkatësisht akteve për shpalljen e vlerave të mbrojtura të natyrës, planeve të menaxhimit me zonat e mbrojtura dhe planeve për shfrytëzimin e të mirave të natyrës si dhe dispozitave të përgjithshme ligjore të zbatueshme dhe të detyrueshme dhe dokumenteve në fushën e mbrojtjes së natyrës, duhet të sigurohet pjesëmarrja e publikut.

2. Publiku duhet të informohet për procedurën nga paragrafi 1. i këtij neni përmes lajmërimit publik.

Ne si organizatë që e monitorojmë Drejtorinë e Parqeve nuk kemi hasur në ndonjë debat publik apo thirrje për pjesëmarrje në vendim. Kjo konsiderohet shkelje ligjore.

Degradimin e biodiversitetit dhe mjedisit nga shfrytëzimi i festivalit e tregojnë faktet nga vitet e kaluara, i keni parë të gjitha dhe kur faktet ekzistojnë dhe merrni një vendim të tillë atëherë kemi të bëjmë me kodin penal, degradim ose shkatërrim i mjedisit.

Ne jemi në pritje të rekomandimeve nga Instituti i Kosovës për Mbrojtjen e Natyrës, për vendimin që festivali Sunny Hill të mbahet në peisazhin e mbrojtur të Gërmisë.

Duke e parë urgjencën për të vepruar, kërkojmë që sa më parë të anuloni këtë vendim, thuhet në kërkesën e qytetarëve aktivë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat