Kjo është mosha mesatare e zjarrfikësve të Prishtinës

Prishtina

Kjo është mosha mesatare e zjarrfikësve të Prishtinës

Më: 23 korrik 2022 Në ora: 10:48
Foto ilustrim

Brigada e zjarrfikësve në Prishtinë ka aktualisht 87 staf operativ. Por, sipas Malë Gashit, ushtrues detyre i komandantit të zjarrfikësve, kjo nuk është mjaftueshëm.

Gashi thotë se bazuar në statistika, kryeqyteti duhet t’i ketë 147 zjarrfikës.

“Në bazë të statistikave, atëherë i bie që vetëm Prishtina duhet t’i ketë 147 zjarrfikës operativë, pa e përfshirë që ne e mbulojmë edhe komunën e Fushë-Kosovës, Obilqit dhe Graçanicës. Është një numër, pothuajse, afërsisht, gjysma e njerëzve mungojnë. Me thënë në përqindje i bie diku 45%”, tha ai.

Sipas tij, mosha mesatare e zjarrfikësve është 49 afër 50 vjeç. Ai tregon se në vendet e zhvilluara zjarrfikësit shkojnë në pension në moshën 55-vjeçare.

“Mosha mesatare është 49 afër 50. Kështu që në vendet e zhvilluar në moshë 55 shkojnë në pension të rrergult, ndërsa në moshën 50-vjeçare shkojnë në pension të parakohshëm. Sepse është një punë që do një angazhim shumë të madh, një përgatitje psiko-fizike shumë të lartë, prandaj edhe kjo një prej faktorëve që ndikon jo mirë në shërbimin tonë”, tha ai në “Info Nata”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat