Në “Ulpianë” fillojnë instalimet e para të matësve dhe valvulave termostatike për konsumatorët e Termokosit

Prishtina

Në “Ulpianë” fillojnë instalimet e para të matësve dhe valvulave termostatike për konsumatorët e Termokosit

Më: 23 korrik 2022 Në ora: 12:59
Foto ilustrim

Ka filluar instalimi i matësve dhe valvulave termostatike për të gjithë konsumatorët e ngrohtores Termokos.

“Ulpiana” është lagjja e parë në të cilën do të bëhen instalimet e pajisjeve të sofistikuara të matjes së ngrohjes, që kanë për qëllim modernizimin e sistemit të ngrohjes.

Instalimi falas i pajisjeve do të bëhet nga ekipet e specializuara të projektit Prishtina HeatSave, të cilët do të vizitojnë të gjitha apartamentet që ngrohen përmes Termokos, për të bërë instalimin e matësve dhe shpjeguar funksionin e tyre.

Ky proces, i cili zgjatë jo më shumë se 30 minuta për një banesë me hapësire mesatare, kërkon komunikim dhe bashkëpunim të ngushtë me banorët përgjatë javëve të ardhshme.

“Për informata të detajishme përgjatë tërë fazës së instalimit të këtyre pajisjeve, qytetarët inkurajohen të drejtohen në numrin kontaktues: 0800 99 000, rrjete sociale, uebfaqe të projektit Prishtina HeatSave, ose grupin në Viber”, thuhet në njoftim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat