Nga nesër deri më 8 gusht mbyllet për qarkullim rruga që çon në Gërmi, shkak “Sunny Hill”

Prishtina

Nga nesër deri më 8 gusht mbyllet për qarkullim rruga që çon në Gërmi, shkak “Sunny Hill”

Më: 3 gusht 2022 Në ora: 17:58
Foto ilustrim

Komuna e Prishtinës ka bërë të ditur se rruga për në Parkun e Gërmisë do të jetë e mbyllur për automjete nga mesnata e 4 gushtit deri mëngjesin e 8 gushtit.

Kjo pasi në atë hapësirë është planifikuar të mbahet festivali “Sunny Hill” dhe për shkak të numrit të madh të vizitorëve që parashihet t’i ketë ajo zonë.

“Komuna e Prishtinës, përkatësisht Drejtoria e Shërbimeve Publike, Mbrojtjes dhe Shpëtimit, nxjerrë vendimin :

Miratohet kërkesa për ndalimin e qarkullimit të mjeteve motorike, qytetarëve në rrugën “Dr. Shpëtim Robaj” në Parkun Gërmia nga hyrja te laura deri te rruga për Butovc, me rastin e organizimit të Festivalit “Sunny Hill” nga data 04.08.2022 ora 00:00 deri më 08.08.2022, ora 07:00.

Qarkullimi lejohet vetëm për mjetet të cilat janë: në shërbim dhe të akredituara nga festivali, mjetet emergjentë (Policia, Zjarrfikësit dhe Ndihma e Shpejtë)”, thuhet në njoftimin e komunës, transmeton Klankosova.tv.

Tutje, në njoftim thuhet se organizatorët në koordinim me Policinë e Kosovës do të kujdesen për lëvizjen e qytetarëve dhe mjeteve në pjesën ku është e ndaluar qarkullimi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat