​Ashpërsohen reduktimet me rrymë 4:2 në Prishtinë

Prishtina

​Ashpërsohen reduktimet me rrymë 4:2 në Prishtinë

Më: 30 gusht 2022 Në ora: 21:10
Foto ilustrim

Gjendja e furnizimit me energji elektrike është përkeqësuar gjatë ditës së sotme në kryeqytet.

Banorët e lagjeve të Prishtinës thonë se që nga mëngjesi e deri në këto orë të mbrëmjes po përballen me reduktime të shtuara, ndërsa nga KEDS-i nuk janë deklaruar për reduktimet me orarin 4:2 të furnizimit me rrymë (katër me rrymë e dy pa rrymë).

Në lagjen Arbëria gjatë ditës ka pasur reduktime nga ora 10:00-12:00 dhe nga ora 18:00-20:00 ose dy herë në ditë.

Edhe banorët e lagjes së Spitalit thonë se po përballen me reduktime deri në tri herë në ditë: nga ora 08:00-10:00, 14:00-16:00 dhe 20:00-22:00.

Reduktimet me energji elektrike madje zgjasin më shumë se sa parashikohet në orarin prej dy orësh të KESCO-s.

KosovaPress ka kërkuar sqarime nga zëdhënësi i KEDS-it Viktor Buzhala lidhur me ashpërsimin e reduktimeve me energji elektrike, por ky i fundit ka qenë i pa qasshëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat