​Destabilizohet furnizimi me ujë në disa pjesë të kryeqytetit

Prishtina

​Destabilizohet furnizimi me ujë në disa pjesë të kryeqytetit

Më: 1 shtator 2022 Në ora: 21:28
Foto ilustrim

Kompania Rajonale e Ujësjellësit “Prishtina”, ka njoftuar se si shkak i goditjes së rrufesë në pajisjet e energjisë elektrike në stacionin e pompave në Batllavë dhe reshjeve të rrëmbyeshme në disa zona është destabilizuar furnizimi me ujë në disa pjesë të kryeqytetit.

Sipas njoftimit, pa furnizim me ujë janë Kodra e Trimave në tërësi, rruga e " Llapit", rruga" Bajram Bahtiri" dhe zonat e tjera përreth.

“Ekipa e elektricistëve të KRU" Prishtina" është në vend ngjarje dhe po merren me sanimin e defektit të energjisë elektrike në SP Batllavë. Po besojmë që shpejt do e sanojnë defektin”, thuhet në komunikatë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat