Për 5 ekspertë të menaxhimit të kontratave, Komuna e Prishtinës ndan mbi 200 mijë euro

Prishtina

Për 5 ekspertë të menaxhimit të kontratave, Komuna e Prishtinës ndan mbi 200 mijë euro

Më: 12 shtator 2022 Në ora: 14:06
Foto ilustrim

Pesë ekspertë do të paguhen 216 mijë euro nga Komuna e Prishtinës për të menaxhuar kontratat për nevojën e komunës.

Në kontratën e nënshkruar nga komuna e Prishtinës, Komuna e Prishtinës ka kërkuar ekspertë të profileve të inxhinierisë (Fakulteti i Ndërtimtarisë dhe Arkitekturës) së paku 5 vite përvojë pune. Pra, dy arkitektë Master me së paku 5 vite përvojë pune; një inxhinier të ndërtimit të lartë Master me së paku 5 vite përvojë pune; dy inxhinierë të hidroteknikës Master me së paku 5 vite përvojë pune.

Ndërkaq kandidatët që kanë referenca në projekte ndërkombëtare do të kenë prioritet pasi në kontratën e Komunës thuhet se ekspertët do të angazhohen për projekte të Bankës Botërore, Berzhit, Bankës Evropiane për Investime etj.

Periudha e vlefshmërisë së tenderit do të jetë 90 ditë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat