Prindërit protestojnë në oborrin e shkollës “Naim Frashëri”, kërkojnë nisjen e mësimit

Prishtina

Prindërit protestojnë në oborrin e shkollës “Naim Frashëri”, kërkojnë nisjen e mësimit

Më: 27 shtator 2022 Në ora: 13:05
Vlora Vokshi

Këshilli i prindërve të shkollës fillore “Naim Frashëri” në Prishtinë ka mbajtur protestë para dyerve të shkollës duke kërkuar fillimin e mësimit për fëmijët e tyre. Ata u shprehen të revoltuar nga vazhdimësia e kësaj greve dhe të shqetësuar për mos fillimin e procesit mësimor.

Anëtarja e Këshillit të Prindërve të shkollës fillore “Naim Frashëri” Vlora Vokshi për media tha se janë mbledhur për të shprehur shqetësimet lidhur me prolongimin e fillimit të mësimit për vitin shkollor.

“Ne ndjehemi tejet të zhgënjyer dhe të indinjuar për pronologimin e një epilogu ndërmjet Qeverisë e SBASHK-ut e që respektivisht ndikon negativisht në fëmijët tanë. Po bëhet pothuajse një muaj që fëmijët janë jashtë objekteve shkollore dhe në vazhdën e mosmarrëveshjes po neglizhohet mirëqenia fëmijëve tonë, respektivisht e ardhmja e Kosovës”, tha Vokshi.

Përmes kësaj proteste, prindërit e SHFMU “Naim Frashëri”, dërguan mesazhe tek të gjithë palët që të bashkëbisedojnë dhe të gjendet sa më shpejtë një zgjidhje. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat