Dritat e Sahat Kullës do të ndizen nesër në kryeqytet

Prishtina

Dritat e Sahat Kullës do të ndizen nesër në kryeqytet

Më: 2 tetor 2022 Në ora: 14:50
Foto ilustrim

Të hënën, në kryeqytet do të ndizen dritat e Sahat Kullës, duke ndriçuar kështu këtë monument magjepsës të trashëgimisë kulturore.

Në njoftimin e Komunës së Prishtinës thuhet se kjo ngjarje do të fillojë nga ora 19:00.

“Për disa muaj me radhë, Sahat Kulla i është nënshtruar disa ndërhyrjeve të jashtme dhe të brendshme për të parë më në fund rilindjen e saj. Restaurimi i këtij objekti historik është realizuar në bashkëpunim me Unionin Evropian dhe UNDP Kosovë e tashmë është gati të presë të gjithë vizitorët e interesuar pasi të gjitha punimet kanë përfunduar”, thuhet në njoftim.

Sahat Kulla, ruan shumë vlera të trashëgimisë dhe histori shumë dekadash, por për një kohë të gjatë i është dashur funksionalizimi për t’u shndërruar në një nga pikat qendrore turistike, të pjesës së vjetër të Prishtinës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat