Komuna e Prishtinës ka marrë vendim që nesër me rastin e Ditës së Punëtorëve -1 Majit të ndalojë qarkullimin e të gjitha automjete në drejtim të Parkut të Gërmisë.
Nga ky vendim përjashtohen autobusët e linjës 4 të NPL “Trafiku Urban”, automjetet e policisë, KFOR-it dhe EULEX-it, ata të emergjencës, KRM “Pastrimi”, NPL “Gjelbër”, inspektorëve komunalë, etj.
“ Qytetarët do të mund të udhëtojnë deri te pishinat në “Gërmi” ekskluzivisht me autobusët e Trafikut Urban – Linja 4’, thuhet në njoftim të kësaj komune.
Njoftimi i plotë
NDALOHET QARKULLIMI I AUTOMJETEVE NË DREJTIM TË PARKUT “GËRMIA” MË 1 MAJ 2025
Të dashur qytetarë,
Me qëllim të ruajtjes së rendit dhe mbarëvajtjes së aktiviteteve me rastin e Ditës Ndërkombëtare të Punëtorëve – 1 Maji, është lëshuar urdhëresë nga Kryetari i Kryeqytetit, përmes së cilës:
Ndalohen të gjitha automjetet private në drejtim të parkut “Gërmia”, përveç:
Autobusëve të linjës 4 të NPL “Trafiku Urban”
Automjeteve të Policisë, KFOR-it dhe EULEX-it
Automjeteve të emergjencës, KRM “Pastrimi”, NPL “Gjelbër”
Inspektorëve komunalë dhe autoriteteve të lejuara
Qytetarët do të mund të udhëtojnë deri te pishinat në “Gërmi” ekskluzivisht me autobusët e Trafikut Urban – Linja 4.