Prishtinasit marrin letra nga Uran Ismaili

Prishtina

Prishtinasit marrin letra nga Uran Ismaili

Më: 18 korrik 2025 Në ora: 20:56
Pamje nga videoja

Mëngjesin e së premtes, prishtinasit e morën një porosi. Atë, në zarf e para banesave, ua la dikush jo fort i zakonshëm.

Uran Ismaili, i cili të enjten e shpalli kandidaturën për kryetar të Prishtinës nga Partia Demokratike e Kosovës, iu drejtua kryeqytetasve me një letër të personalizuar, në të cilën i shprehte haptas problemet dhe zgjidhjet që do t’i bënte, në rast se do të merrte votën e tyre për t’u bërë kryetar komune.

Nënkryetarja e PDK-së, Besianë Musmurati, tregoi edhe reagimet e qytetarëve për këtë formë të veçantë komunikimi.

Sipas saj, diku mbi 60 mijë letra janë shpërndarë në lagjet kryesore të Prishtinës, por edhe në disa fshatra.

Por, ajo thotë se të gjithë atyre që nuk iu ka shkuar letra tek porta, atë mund ta lexojnë edhe në web faqen e partisë, “Koha për Prishtinën”.

comment Për komente lëvizni më poshtë
Sot mund të lexoni Shfletoni kopertinat