Rama s’e ndal dorën, emëron drejtorin e radhës

Prishtina

Rama s’e ndal dorën, emëron drejtorin e radhës

Më: 4 maj 2026 Në ora: 15:55
Foto nga takimi

Pëllumb Bajçinovci është emëruar drejtor në pozitën e Drejtorit të Mobilitetit. Lajmin e ka bërë të ditur kryetari i Prishtinës, Përparim Rama.

Si asamblist aktual në Kuvendin Komunal të Prishtinës dhe ish-kryesues i tij, sipas Ramës, Bajçinovci ka qenë pjesë aktive e proceseve vendimmarrëse, duke kontribuar në fusha si zhvillimi urban, rinia, sporti dhe kultura.

Postimi:

Pëllumb Bajçinovci emërohet në pozitën e Drejtorit të Mobilitetit, duke sjellë me vete përvojë të rëndësishme në jetën institucionale dhe politike në Kryeqytet.

Si asamblist aktual në Kuvendin Komunal të Prishtinës dhe ish-kryesues i tij, Bajçinovci ka qenë pjesë aktive e proceseve vendimmarrëse, duke kontribuar në fusha si zhvillimi urban, rinia, sporti dhe kultura. Gjithashtu, përvoja e tij si zëdhënës në Komunën e Prishtinës ka forcuar profilin e tij në komunikimin publik dhe bashkëpunimin me qytetarët.

Me formim akademik në menaxhment dhe përvojë në institucione, ai pritet të kontribuojë në avancimin e politikave të mobilitetit, përmirësimin e qarkullimit urban dhe zhvillimin e zgjidhjeve të qëndrueshme për qytetin.

I urojmë suksese në këtë përgjegjësi të re, në shërbim të qytetarëve të Prishtinës.

comment Për komente lëvizni më poshtë
Sot mund të lexoni Shfletoni kopertinat