Çdo të shtunë në orën 09:00, një ekip i urgjencës mobile i Kryeqytetit i përbërë nga mjek dhe staf teknik, do të jetë i pranishëm në Germi për të ofruar matje falas të shtypjes së gjakut dhe treguesve të tjerë bazikë shëndetësorë, njofton komuna e Prishtinës.
Në njoftim theksohet se çdo të shtunë, në orën 09:00, në Parkun e Gërmisë, organizohen ecje dhe vrapime rekreative në distanca prej 2 dhe 5 kilometrash.
“Pjesëmarrja është falas, pa karakter garues dhe e hapur për të gjitha grupmoshat, pavarësisht nivelit të përgatitjes fizike”, thuhet në njoftim.
Njoftimi:
Shërbime Falas Shëndetësore në Germi
Çdo të shtunë në orën 09:00, një ekip i urgjencës mobile i Kryeqytetit i përbërë nga mjek dhe staf teknik, do të jetë i pranishëm në Germi për të ofruar matje falas të shtypjes së gjakut dhe treguesve të tjerë bazikë shëndetësorë.
Kryeqyteti, në kuadër të planit trevjeçar për avancimin e kujdesit shëndetësor parësor dhe promovimin e shëndetit publik, ka përfshirë Parkun e Gërmisë në programin formal të qeverisjes komunale si një iniciativë konkrete për përmirësimin e shëndetit fizik dhe mendor të qytetarëve.
Ky bashkëpunim mbështetet në praktikat më të mira ndërkombëtare, përfshirë modelin e National Health Service, ku aktiviteti fizik rekomandohet si pjesë e kujdesit parësor shëndetësor për parandalimin dhe menaxhimin e sëmundjeve kronike.
Lëvizja e rregullt ul ndjeshëm rrezikun e:
• diabetit
• hipertensionit
• sëmundjeve kardiovaskulare
Po aq i rëndësishëm është ndikimi i saj në shëndetin mendor. Aktiviteti fizik në komunitet redukton:
• stresin
• ankthin
• depresionin
• izolimin social
Duke forcuar mirëqenien emocionale dhe ndjenjën e përkatësisë.
Çdo të shtunë, në orën 09:00, në Parkun e Gërmisë, organizohen ecje dhe vrapime rekreative në distanca prej 2 dhe 5 kilometrash.
Pjesëmarrja është falas, pa karakter garues dhe e hapur për të gjitha grupmoshat, pavarësisht nivelit të përgatitjes fizike.