Kryetari i Prishtinës, Përparim Rama, do të mbajë sot nga ora 09:30 një konferencë për media në Ishulli Urban.
Konferenca do të fokusohet në bllokimin e punimeve nga Inspektorati për Trashëgimi Kulturore (ITK), ndërsa pritet të prezantohen qëndrimet dhe hapat e mëtejmë të Komunës së Prishtinës lidhur me këtë çështje.
Sipas njoftimit, në konferencë pritet të jepen sqarime mbi arsyet e ndërprerjes së punimeve, ndikimin që ky vendim ka në projektin në fjalë, si dhe veprimet që komuna synon të ndërmarrë në vazhdim.
Çështja ka nxitur debat publik lidhur me balancimin ndërmjet zhvillimit urban dhe mbrojtjes së trashëgimisë kulturore.