Kombinat, Këlliçi në familjen e Ardit Gjoklaj: Sa të kem frymë do kërkoj drejtësi

Shqipëria

Kombinat, Këlliçi në familjen e Ardit Gjoklaj: Sa të kem frymë do kërkoj drejtësi

Më: 4 shkurt 2021 Në ora: 15:19
Belind Këlliçi

Kreu i Forumit Rinor të PD, Belind Këlliçi është emëruar nga kreu demokrat, Lulzim Basha, si i deleguar politik në zonën e Kombinatit, Tiranë.

Me një postim në Facebook, Këlliçi shkruan se e ka nisur ditën e parë të punës në këtë zonë në një takim me familjen e Ardit Gjoklajt, adoleshentit që u vra në Sharrë.

Për këtë krim, opozita dhe PD ka akuzuar gjithmonë Erion Veliajn.

Këlliçi shkruan se nuk do të ndalojë kurrë së kërkuari drejtësi.

Reagimi i plotë

Po e nis ditën e parë të punës në familjen e Ardit Gjoklaj në Kombinat.

Arditi i mitur humbi jetën, sepse me punën e tij të ndershme, kërkonte të fitonte të ardhura për të siguruar librat e shkollës. Ai si gjithë të rinjtë kishte shumë ëndrra, që ju prenë në mes nga babëzia dhe korrupsioni i kryebashkiakut Erjon Veliaj. Nuk bëhet drejtësi për Arditin e ndjerë, kur Veliaj drekon me prokurorin e çështjes.

Drejtësia për Arditin është gjithashtu detyrim ndaj çdo të riu shqiptar që sot punon për t'u arsimuar.

Falënderoj familjen Gjoklaj që më pritën në shtëpinë e tyre! Sa të kem frymë, do të kërkoj drejtësi për Arditin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat