Tritan Shehu akuza qeverisë: Përgjegjëse për mbi 10 mijë humbje jetësh deri tani

Shqipëria

Tritan Shehu akuza qeverisë: Përgjegjëse për mbi 10 mijë humbje jetësh deri tani

Më: 19 prill 2021 Në ora: 16:41
Tritan Shehu

Ish-ministri i Shëndetësisë, kandidat për deputet në Gjirokastër Tritan Shehu akuzon drejtpërdrejt qeverinë për mbi 10 mijë vdekje deri tani. Sipas tij, nga marsi i 2020 deri tani, menaxhimi i epidemisë së COVID-19 i ka kushtuar Shqipërisë 10 mijë vdekje shtesë.

Ai thotë se Shqipëria renditet në treshen botërore të vendeve me më shumë humbje jetës për 1 mln banorë.

POSTIMI I PLOTË

Unë akuzoj këtë qeveri përgjegjëse për mbi 10 mijë humbje jetësh deri tashti!

Prej marsit 2020 deri më sot keq menaxhimi i epidemisë Covid i ka kushtuar Shqipërisë 10 mije vdekje shtesë mbi mesataren e viteve të mëparshëm sepse:

— Në këtë periudhë në Shqipëri nuk ka ndodhur asgjë e veçantë përveçse epidemisë, që të justifikojë këtë numër vdekjesh kaq të lartë.

Ndërsa Rama e Qeveria vetëm heshtin përpara kësaj katastrofe.

Kjo është e vërteta, që askush nuk mund ta mohojë, pavarësisht trukeve fshehës, lojës me komplikacionet për të kamufluar diagnozën bazë, referimit për humbjet e jetëve vetëm pranë spitaleve Covid etj, elementë për të maskuar këtë të vërtetë tragjike!

Përfundimi tronditës: Shqipëria renditet në treshen botërore të vendeve me më shumë humbje jetësh për 1 milion banorë.

Fatkeqësisht kjo gjendje është në përkeqësim duke qenë:

—Shumë larg shifrave zyrtare elektorale të publikuara për epideminë, që veçse synojnë të “këndohet” fitore siç bënin edhe muaj më parë, kur realitetit tashmë i verifikuar ishte krejt ndryshe. Mjafton për këtë të dish të lexosh oshilacionin e numrave në Shqipëri në një periudhë të shkurtër të fundit, apo t’i krahasosh me vendet fqinje.

—Me një nivel vaksinimi të vendeve të Afrikës Qendrore, qoftë për numrin e vaksinave, qoftë dhe për standardet e pasigurisë së shumicës dërmuese të atyre të përdorura.

Fatmirësisht 25 Prilli është vetëm pak ditë larg, ndryshe do të rrezikoheshim të kalonim 20 mijë vdekje shtesë

Shfaq komentet
comments powered by Disqus
Sot mund të lexoni Shfletoni kopertinat