Kalimi i “Teatrit” në pronësi të Bashkisë/ Vokshi: Akt poshtërues për “Kushtetuesen”

Shqipëria

Kalimi i “Teatrit” në pronësi të Bashkisë/ Vokshi: Akt poshtërues për “Kushtetuesen”

Më: 1 gusht 2021 Në ora: 00:02
Kalimi i “Teatrit” në pronësi të Bashkisë/ Vokshi: Akt poshtërues për “Kushtetuesen”

Partia Demokratike, përmes Albana Vokshit ka reaguar ashpër ndaj vendimit të fundit të qeverisë për të kaluar truallin e Teatrit Kombëtar në pronësi të Bashkisë Tiranë.

Deputetja e zgjedhur demokrate e cilëson një akt poshtërues ndaj qytetarëve dhe Gjykatës Kushtetuese, ndërsa i bën thirrje SPAK që “mos të sillet më si vegël në duart e Ramës”.

STATUSI NGA ALBANA VOKSHI

Vendimi i qeverisë për të kaluar tokën e Teatrit Kombëtar në pronësi të Bashkisë së Tiranës është një akt tjetër poshtërues për qytetarët dhe Gjykatën Kushtetuese.

Vendimi i pak javëve më parë nga Gjykata Kushtetuese thotë qartë se vendimi i qeverisë i një viti më parë për të kaluar Teatrin në pronësi të Bashkisë së Tiranës ishte antikushtetues, në dëm të trashëgimisë kulturore kombëtare.

Vendimi do të thotë se Edi Rama nuk pyet për institucionet e reja të drejtësisë, kur vendimet e tyre pengojnë planet e tij korruptive me tokën e Teatrit Kombëtar.

PD e ka thënë që prej ditës së parë se Edi Ramës, nuk i intereson një Teatër i ri Kombëtar, por vetëm trualli i tij, të cilin e sheh si burim për të përfituar para dhe pasuri të paligjshme.

 Kalimi ne pronësinë e Bashkisë së Tiranës i truallit të Teatrit Kombëtar është pasojë e tjetërsimit të votës së qytetarëve. Një kryeministër si Edi Rama, pushteti i të cilit buron nga masakra elektorale e 25 prillit, ka për të marrë gjithmonë vendime kundër interesit të qytetarëve. Në vend të një kryeministri, vendi do të sundohet nga një politikan që del mbi gjykatat dhe mbi ligjin.

Është koha që SPAK të mos provohet si vegël në duart e sundimtarit Rama. Është koha që Edi Rama dhe Erion Veliaj të dalin para drejtësisë dhe të ndalohet masakra tjetër me tokën e Teatrit Kombëtar!

Shfaq komentet
comments powered by Disqus
Sot mund të lexoni Shfletoni kopertinat