Në kërkim të djalit të zhdukur, nëna: Ma rrëmbyen 7 vite më parë, autorët u kapën dhe u liruan

Shqipëria

Në kërkim të djalit të zhdukur, nëna: Ma rrëmbyen 7 vite më parë, autorët u kapën dhe u liruan

Më: 28 nëntor 2021 Në ora: 20:10
Silvana Hamza

Renato Hamza është i zhdukur prej qershorit të 2014-ës.

Pas shtatë vitesh, nëna e Renatos kërkon nga drejtësia shqiptare të dënohen rrëmbyesit e djalit të saj:

“Djalin tim e ka rrëmbyer Indrit Shaqja dhe Denis Xhija. Unë nuk e dija kush ishte ky tjetri Denis Xhija. Ndërsa shefi i krimeve asnjëherë nuk na dha asnjë detaj për ngjarjen. E mori kriminelin Denis Xhijën e futi brenda dhe e nxori për 24 orë. Këta kanë bërë vrasje. Janë vrasës me pagesë, i kam parë në televizor. Unë nuk kisha se nga t’i njihja. Pas kësaj ngjarjeje Denisi vrau dy të moshuara”, thotë Silvana Hamza.

Nëna e këngëtarit rrëfen se dy vite pas zhdukjes së djalit ka marrë një telefonate nga ish e dashura e tij që thotë se Renato është gjallë dhe se një ditë do të kthehet në shtëpi.

“Në 2016 ka qenë telefonata e fundit. Më mori një fëmijë i vogël dhe më tha se është nipi dhe nëna e tij quhej Eva, ndërkohë që pas kësaj fshihet ish e dashura e djalit, Redona dhe me thoshte se babi është gjallë dhe ne jemi shumë larg. Në ato momente më doli një burrë në telefon, por nuk ishte djali im. Djali im nuk do të rrinte 7 vite pa folur me mua. Në ishim shumë të lidhur bashkë”.

Prej 7 vitesh Silvan u kërkon vrasësve që t’i kthejnë trupin e djalit të pafajshëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat