Disa furgonë të Forcave të Ndërhyrjes së Shpejtë ndodhen pranë selisë së Partisë Demokratike.
Siç duket qartë edhe në pamjet e siguruara nga Euronews Albania në pjesën e pasme të xhamisë, në afërsi të selisë së PD-së, ndodhen disa furgona me efektivë policie.
Ndërsa në hyrje të selisë blu ndodhet vetëm një patrullë policie me dy efektivë.
Policia e Shtetit është një gatishmëri për ruajtjen e rendit dhe sigurisë që prej mëngjesit të sotëm, kur edhe nisi Kuvendi Kombëtar i thirrur nga Sali Berisha në ambientet e stadiumit “Air Albania”.
Gazetarja Eksiola Shehu raportoi se në selinë blu situata paraqitet e qetë, pas aktivitetit te 31-vjetorit të themelimit të PD-së.
Ndërkohë Basha vijon të qëndrojë në ambientet e selisë blu.