Kapen në flagrancë duke shkëmbyer lëndë narkotike, arrestohen 4 persona në Fier

Shqipëria

Kapen në flagrancë duke shkëmbyer lëndë narkotike, arrestohen 4 persona në Fier

Më: 21 shkurt 2022 Në ora: 10:11
Foto ilustrim

Policia e Shtetit ka publikuar sot pamjet e një operacioni për goditjen e veprimtarisë kriminale në fushën e narkotikëve në qarkun e Fierit.

Sipas njoftimit të policisë, janë vënë në pranga shtetasit B. D. 34-vjeç dhe R. K. 38-vjeç, banues në fshatin Kurjan, dhe I. G. 30-vjeç dhe K. G. 24-vjeç, banues në fshatin Dërmënas, që u kapën në flagrancë duke shkëmbyer lëndë narkotike.

Gjatë operacionit, policia ka sekuestruar 1 armë gjahu, municion luftarak, 1.3 kg lëndë e dyshuar narkotike kanabis sativa, 1 peshore elektronike për peshimin e lëndës narkotike, shuma 100 mijë lekë [820 euro] me të cilën do blihej lënda narkotike, 3 automjete, 7 aparate celulare dhe 2,300 euro që u gjetën gjatë kontrollit në banesat e shtetasve të arrestuar.

Po gjatë operacionit, policia bllokoi dhe dy armë zjarri pistoleta, të cilat do të dërgohen në Institutin e Policisë Shkencore në Tiranë, për ekzaminime të mëtejshme, për të parë nëse janë përdorur në ndonjë ngjarje kriminale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat