Kryeministri Rama dënon sulmin ndaj Ukrainës: Bashkohemi me NATO dhe aleatët e BE-së

Shqipëria

Kryeministri Rama dënon sulmin ndaj Ukrainës: Bashkohemi me NATO dhe aleatët e BE-së

Më: 24 shkurt 2022 Në ora: 08:23
Kryeministri Edi Rama

Kryeministri Edi Rama ka dënuar sulmet e Rusisë ndaj Ukrainës, duke thënë se Shqipëria bashkohet me NATO dhe aleatët e BE. Me anë të një postimi në rrjetet sociale, Rama shkruan se mendimet e Shqipërisë janë me popullin ukrainas.

“Ne bashkohemi me NATO dhe aleatët e BE në dënimin e ashpër të agresionit të Rusisë. Mendimet tona janë me popullin ukrainas”, shkruan kryeministri Rama.

Ministri i Jashtëm i Ukrainës, Dmytro Kuleba, tha ne oret e para te mengjesit se Rusia ka nisur pushtimin e vendit të tij. Në një postim në Twitter, Kuleba shkroi se presidenti rus, Vladimir Putin, ka nisur “pushtimin e Ukrainës në shkallë të plotë”.

Ai tha se Ukraina do ta mbrojë veten dhe se “bota mund dhe duhet ta ndalë Putinin”.

comment Për komente lëvizni më poshtë
Sot mund të lexoni Shfletoni kopertinat