U plagosën në aksident, fatorino i autobusit me frakturë në kokë, shoferi në gjendje të mirë

Shqipëria

U plagosën në aksident, fatorino i autobusit me frakturë në kokë, shoferi në gjendje të mirë

Më: 29 prill 2022 Në ora: 22:17
U plagosën në aksident, fatorino i autobusit me frakturë në kokë, shoferi në gjendje të mirë

Muhamet Kyçyku, 62-vjeç drejtonte autobusin e linjës së Unazës që  përfundoi në lumin e Lanës.

Ai ka marrë lëndime të lehta nga aksidenti. Goditje më të fortë ka marrë fatorino A. K., 61 vjeç, i cili ka një frakturë në kokë por pa rrezik për jetën.

"Do rrini dhe pak në observim dhe pastaj do liroheni" u tha ministrja Manastirliu në spitalin e Traumës.

Nga aksidenti u plagos dhe shtetasja F. Ç., 64 vjeçe që ishte pasagjere në autobus.

Edhe nga makina që u zu poshtë nga autobusi mbetën të plagosur dy të rinj, drejtuesi Jurgen Rama 27 vjeç dhe pasagjeri A. H po 27 vjeç.

Shefi i policisë rrugore tha se për shkaqet e aksidentit po hetohet në dy pista.

"Po shqyrtojmë të gjitha pistat e hetimit për të zbuluar shkaqet e aksidentit nëse jemi përballë një defekti elektrik apo teknik apo gabimi njerëzor që mund të ketë ndodhur me njërin nga drejtuesit e mjeteve të përfshirë në aksidentin rrugor".

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat