Gara për kreun e PD/ Tritan Shehu: Rezultati i zgjedhjeve do mësohet sonte! Po shkojmë drejt formatimit të PD dhe përballjes me regjimin

Shqipëria

Gara për kreun e PD/ Tritan Shehu: Rezultati i zgjedhjeve do mësohet sonte! Po shkojmë drejt formatimit të PD dhe përballjes me regjimin

Më: 22 maj 2022 Në ora: 14:30
Deputeti i Partisë Demokratike Tritan Shehu

Deputeti i Partisë Demokratike Tritan Shehu ka votuar në procesin zgjedhor për kreun e PD, në qendrën e votimit në Gjirokastrës.

Shehu u shpreh për mediat se rezultati do të bëhet i ditur sonte në darkë ndërsa u shpreh se procesi ka ecur mjaft mirë në të gjithë vendin.

Ai deklaroi se ky proces zgjedhor do të çojë në formatimin e strukturave drejtuese të PD, konsolidimin e saj dhe përballjen me regjimin.

“Sapo votova në Gjirokastër pasi isha në Memaliaj, Tepelenë, Këlcyrë, Përmet. Do vazhdoj edhe në Lazarat për të parë ecurinë e këtij procesi që po ecën mjaft mirë. Krejt i rregullt.

Anëtarët e PD po votojnë në bazë të vullnetit të tyre për kryetarin e ardhshëm të PD që sonte në darkë do bëhet i ditur se kush do të jetë pasi të numërohen skedat e votimit në të gjithë vendin.

 I uroj anëtarët e PD për këtë respektim që do na çojë në formatimin e strukturave drejtuese të PD, konsolidimin e saj dhe përballjen me regjimin që duhet shembur. Ndryshe e ardhmja e Shqipërisë është në një dyshim shumë të madh”, tha Shehu.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat