Ceno Klosi me vilë në Londër/ Briseida Shehaj flet për drejtorin e Tatimeve: I paska ecur mirë!

Shqipëria

Ceno Klosi me vilë në Londër/ Briseida Shehaj flet për drejtorin e Tatimeve: I paska ecur mirë!

Më: 28 qershor 2022 Në ora: 20:43
Foto ilustrim

Ish-drejtoresha e Tatimeve, Briseida Shehaj, ka folur për drejtorin aktual të Tatimeve, Ceno Klosi, i cili akuzohet si fajdexhi dhe për vilën luksoze në Londër, si dhe për transaksionet e dyshimta.

Sa i takon vilës në Londër, Shehaj pyeti e habitur se “Ka vilë në Londër?”, duke shtuar se vetë edhe një shtëpi që kishte blerë në Vlorë, nuk e ka më.

Shehaj deklaroi më tej  se fajdeja nuk është e lejuar në Shqipëri, duke shtuar se ILDKPKI duhet të kishte vepruar për të kryer një hetim të thelluar.

“Duhen parë letrat për çfarë është akuzuar Ceno. Unë Cenon e njoh që në bankë, kemi punuar vite, kemi nja 12 vite pa u parë. Nuk di të flas për Cenon sot, unë e njoh Cenon atëherë, nuk di të flas për Cenon sa i lirë është.

Ka vilë në Londër? Nëse ai ka shkruar dhe ILDKPKI lexon aty që ai ka dhënë para me interes jashtë sistemit bankar dhe nuk paguan tatim, fajdeja është e palejuar në Shqipëri. I paska ecur mirë. Dhe unë drejtor banke e drejtor Tatimesh kam qenë, por nuk kam, dhe një shtëpi që kisha të blerë në Vlorë, nuk e kam më.

ILDKPKI duhet të kishte vepruar, fajdeja është e palejuar në Shqipëri. Ai mund të jepte depozita në bankë, apo mund të kishte një deklaratë borxhi, që mund t’ia jepte dikujt.

Dua të jem e kujdesshme, se ai djalë ka punuar shumë vite në bankë, ka pasur një pagë shumë të mirë, ndaj duhet të jemi shumë të kujdesshëm të gjithë. Ai ka qenë nivel më i lartë se unë në bankë, ka pasur pagë të mirë, ndaj duhet të jemi shumë të kujdesshëm.

Unë kam marrë detyrën në 3 tetor, në 10 ose 15 tetor më ka nisur hetimi i pasurisë nga ILDKPKI. Jam hetuar në detyrë, ndoshta dy herë, dhe familjarët e mi, edhe palët e lidhura. Pra, jam hetuar familjarisht në hetim të thelluar nga ILDKPKI. Unë para me fajde nuk do kisha dhënë, se është e ndaluar. Duhet dëgjuar dhe pjesa tjetër”, u shpreh ish-drejtoresha e Tatimeve në emisionin “Frontline” në News24.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat