Rama i akuzoi se e politizuan vdekjen e Jonadës, Manjani i nxjerr nenin: Ke shkelur ligjin me të dyja këmbët!

Shqipëria

Rama i akuzoi se e politizuan vdekjen e Jonadës, Manjani i nxjerr nenin: Ke shkelur ligjin me të dyja këmbët!

Më: 4 gusht 2022 Në ora: 20:16
Ylli Manjani

Ndërsa kryeministri, Edi Rama, ka akuzuar për politizim të ngjarjes tragjike në Himarë ku humbi jetën vogëlushja 7-vjeçare Jonada Avdia, juristi Ylli Manjani ju përgjigj mbrëmjen e sotme me ligjin.

Ai bëri publik nenin që ngarkon me përgjegjësi kryeministri Rama dhe dy minisrtrat e tij.

Të martën e 2 gushtit 2022 në plazhin e Potamit në Himarë, 7-vjeçarja Jonada Avdia humbi jetën pasi u përplas nga skafi i drejtuar nga Arjan Tase, efektiv policie.

Fillimisht ky i fundit u akuza për vrasje nga pakujdesia por më vonë kjo akuzë ndryshoi në vrasje me dashje.

Postimi i plotë i Manjanit

Ja ku e keni edhe nenin që ngarkon me përgjegjësi Edi Ramën dhe ministrat e Tij të Turizmit dhe të Brendshëm.

Ligji me numër 43 i vitit 2020, ka rregulluar lundrimin detar për qëllime turistike.

Që ky ligj të zbatohet,duhej që Edi Rama dhe ministrat e Tij të bënin disa akte nënligjore, brenda 6 muajve i ka urdhëruar Parlamenti!!!

Me këto akte sigurohet regjistrimi i mjeteve,pronësia e tyre,përdorimi, rregullat e përdorimit e çdo gjë që i bën ato të sigurta.

Por hiç! As 6,as 12,as 24 e as hiç muaj.

As Edi e as ministrat përgjegjës nuk e qethën fare.

Ah po, kanë bërë vetëm një udhëzim për të dhënë lejet e drejtimit, po ato kryesoret hiç .

Po meqë janë "dashnorët" e përgjegjësisë individuale, ja ku e kanë ligjin e shkelur. Ja se si e kanë shpërdoruar detyrën duke krijuar pasojë të rëndë, humbjen e jetëve njerëzore!

Kujtoj se në paraburgim ka sot zyrtarë që s'i kanë bërë asgjë detyrës, por janë në burg. Ndërsa Edi &co tallen me detyrën sipas qejfit, duke marrë jetë njerëzish e s'u hyn gjëmb në këmbë!!!

Dakord, nuk do politikë, po ligj do?!

Ja ku e ka!

E ka shkelur me të gjitha këmbët.

Kjo papërgjegjshmëri i bën përdoruesit e mjeteve lundruese të sillen si të duan. Ndoshta rasti i policit kriminel,nuk do kishte kuptim as ligji, por së paku do dallohej edhe mëqartë përgjegjegjësia individuale e tij.

Sot këtë përgjegjësi e mban Edi Rama dhe të paktën 2 ministra përgjegjës.

Jo për gjë po e kishin përgatitur më së miri këtë sezon...! E kanë qa.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat