Artan Hoxha zbulon përplasjen në distancë mes Ramës dhe Ervis Martinajt, si u prish takimi elektoral në Lezhë!

Shqipëria

Artan Hoxha zbulon përplasjen në distancë mes Ramës dhe Ervis Martinajt, si u prish takimi elektoral në Lezhë!

Më: 26 shtator 2022 Në ora: 22:04
Rama dhe Martinaj

Gazetari Artan Hoxha ka zbuluar ditën e sotme një përplasje në distancë mes kryeministrit Edi Rama dhe të shumëkërkuarit Ervis Martinaj i cili rezulton i zhdukur prej datës 10 gusht.

I ftuar në Abc, Artan Hoxha u shpreh se Ervis Martinaj dhe njerëzit e tij kanë sabotuar një takim elektoral të kryeministrit në qarkun e Lezhës. Ai theksoi se kur është kthyer në Tiranë, Rama i ka dërguar mesazh Martinajt duke iu drejtuar si ‘drejtor i basteve të kohës’.

“Një takim elektoral i kryeministrit në qarkun e Lezhës është sabotuar nga Ervis Martinaj dhe njerëzit e këtij të fundit. Kur u kthye, Rama foli për këtë incident duke theksuar se në ato makina që u kishin prishur takimin elektoral ishte drejtori i lojërave të fatit. Madje Rama shtoi: Ne dimë edhe targat, me të cilat lëvizni. Këto nuk i di regjimi, por i di patronazhimi”, tha Hoxha.

Bëhet fjalë për një takim të Ramës, vitin e shkuar ku shprehet:

“Ne e dimë që ju jeni në ato makina. I them edhe atij drejtorit të basteve të kohës, bashkë me vullnetarët që kanë humbur licencat e basteve. Ne iua dimë targat e makinave. Dhe kur them ne, jo regjimi por patronazhimi”, ka thënë Rama.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat