Ambasadorja Yuri Kim publikon foton krah Dua Lipës: E lumtur të uroj qytetaren më të re të Shqipërisë

Shqipëria

Ambasadorja Yuri Kim publikon foton krah Dua Lipës: E lumtur të uroj qytetaren më të re të Shqipërisë

Më: 28 nëntor 2022 Në ora: 18:28
Ambasadorja Yuri Kim dhe Dua Lipa

Ambasadorja Yuri Kim ka takuar këngëtaren shqiptare Dua Lipa gjatë qëndrimit të saj në Tiranë.

Diplomatja amerikane ka postuar në Instagram një foto krah Dua Lipës, teksa e ka uruar për marrjen e pasaportës shqiptare.

Postimi i Yuri Kim:

E lumtur për të uruar qytetaren më të re të Shqipërisë dhe e emocionuar për koncertin e Dua Lipës sonte për të festuar 110 vjetorin e Pavarësisë së Shqipërisë.

Sot në mbrëmje, Dua Lipa do të mbajë një koncert në vazhdën e turit të saj të albumit “Future Nostalgia”. Koncerti përkon me 110-vjetorin e Pavarësisë së Shqipërisë.

Më herët, Dua Lipa në një konferencë për mediat u shpreh se ndihet e emocionuar për të performuar sërish pas kaq vitesh për publikun shqiptar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat