“Nga na erdhën pasojat…”, flet xhaxhai i Ervis Martinajt: Nipi është vrarë dhe zhdukur, hasmi nuk të zhduk xhenazen…

Shqipëria

“Nga na erdhën pasojat…”, flet xhaxhai i Ervis Martinajt: Nipi është vrarë dhe zhdukur, hasmi nuk të zhduk xhenazen…

Më: 29 nëntor 2022 Në ora: 17:22
Ervis Martinaj

Xhaxhai i Ervis Martinaj, Faik Martinaj ka reaguar sërish për zhdukjen e nipit të tij, Ervis Martinaj, i cili njihej ndryshe si “padroni” apo “mbreti” i lojërave të fatit.

Faik Martinaj, beson se Ervisi është vrarë dhe kufoma e tij është zhdukur nga kundërshtarët.

“Ai është vrarë dhe është zhdukur kufoma. Kundërshtarët politik e kanë eliminuar. Hasmi nuk të zhduk xhenazen”, tha ai.

Faik Martinaj në emisionin “Pa Gjurmë” ka deklaruar se pasojat për Ervis Martinajn kanë ardhur pas dëshmisë së Nuredin Dumanit. Ky i fundit tha se Ervis Martinaj i kishte ofruar 500 mijë euro për të eliminuar ish-anëtarin e bandës së Durrësit, Endrit Doklen.

“Ervisi më dërgoi mesazh më 9 gusht, rreth orës 19:23, na përshëndeti, s’na tha ku ishte” shtoi Faik Martinaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat