Një 33-vjeçar është arrestuar pasi grabiti kasafortën me një shumë të konsiderueshme parash dhe aksesorë të ndryshëm floriri në banesën e babait të tij në rrugën “Riza Cuka” në kryeqytet.
Brenda kasafortën që grabitur nga 33-vjeçari me iniciale E. S., kishte një shumë prej 27.200 euro, 11.000 paund, 910.000 lekë dhe aksesorë të ndryshëm floriri.
Por u sekuestrua vetëm një pjesë e parave të vjedhura, shuma prej 10.530 paund dhe 27.030 euro.
Njoftimi i policisë:
Finalizohet nga Komisariati i Policisë Nr. 3, operacioni policor i koduar “Kasaforta”. Vodhi në banesën e babait të tij, kasafortën me një shumë të konsiderueshme parash dhe aksesorë të ndryshëm floriri, vihet në pranga 33-vjeçari.
Sekuestrohet një pjesë e parave të vjedhura (10 530 paund dhe 27 030 euro).
Shërbimet e Komisariatit të Policisë Nr. 3, në vijim të punës për goditjen e paligjshmërisë në fushën e vjedhjes së pronës dhe pasurisë, kanë organizuar dhe finalizuar operacionin policor të koduar “Kasaforta”.
Si rezultat i këtij operacioni, u bë arrestimi i shtetasit E. S., 33 vjeç banues në Tiranë.
Nga veprimet hetimore dyshohet se 33-vjeçari ka vjedhur në banesën e babait të tij, në rrugën “Riza Cuka”, kasafortën brenda së cilës kishte 27 200 euro, 11 000 paund, 910 000 lekë dhe aksesorë të ndryshëm floriri.
Në cilësinë e provës materiale u sekuestrua një pjesë e parave të vjedhura (10 530 paund dhe 27 030 euro).
Vijojnë veprimet hetimore për dokumentimin e plotë ligjor të këtij rasti.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
