Kryeministri Edi Rama gjatë një takimi me pedagogët dhe studentët në Universitetin “Ismail Qemali” është shprehur se “nuk duhet pritur gjithçka nga qeveria, por të ketë ndërveprim edhe me universitetet e tjera”.
Ai theksoi se qeveria është e gatshme t’i mbështesë me mundësitë që ka dhe se dera e Bashkisë do jetë e hapur për ta.
“Besoj se me reformën e arsimit të lartë, me hapat që po hidhen jo pa vështirësi, por në mënyrë sistematike, po krijohen hapësira për ta parë veten universiteti si pjesë e një rrugë ku nuk pritet gjithçka nga qeveria, por nga ndërveprimi dhe me universitetet e tjera. Universitet duhet t’i shfrytëzojë mundësitë.
Sa i përket nevojave dhe kërkesave tuaja, ne kemi qenë dhe do të jemi të gatshëm që të mbështesim universitetin me të gjitha mundësitë që kemi. Një pjesë e këtyre gjërave do të zgjidhen hap pas hapi për infrastrukturë dhe laboratorë. Bashkia s’ka lidhje të drejtpërdrejtë me universitetit, por është derë e hapur për ju”, tha Rama.