20 punonjës të inceneratorit të Fierit kanë bojkotuar punën paraditen e sotme, duke bllokuar hyrjen e automjeteve që kryejnë shkarkimin e mbetjeve urbane të 6 bashkive të qarkut fier.
Punëtorët thonë se kanë 5 muaj pa marrë pagat dhe disa muaj pa sigurime shoqërore.
Ndërkohë që negociatat me administratorin shtetëror të inceneratorit, Farudin Arapi, kanë rezultuar pa sukses deri më tani.
Punonjësit thonë se ata do të vazhdojnë të mbajnë të bllokuar hyrjen derisa të kryhet shlyerja e pagave të prapambetura.
