Kryetari i Partisë Demokratike Sali Berisha ka njoftuar se turi i diasporës do të vijojë në Itali.
Në një postim në Facebook, Berisha shkruan se ditën e dielë do të mbahet një takim në orën 16:00 me shqiptarët në Brescia.
“Të dashur miq, më 13 prill, ora 16:00 zhvillojmë takimin e radhës me diasporën në Brescia të Italisë! Të gjithë bashkë t’i bashkohemi “Shqipërisë Madhështore”, Teatro Clerici , Via San Zeno 168”, shkruan Berisha.
Më parë, gazetari Osman Stafa raportoi se pjesë e takimit do të jetë edhe këshilltari i fushatës së PD Chris LaCivita.
