Plagosi me mjet prerës 23-vjeçarin, identifikohet dhe shpallet në kërkim autori

Shqipëria

Plagosi me mjet prerës 23-vjeçarin, identifikohet dhe shpallet në kërkim autori

Më: 24 qershor 2025 Në ora: 09:44
Foto ilustrim

Tropojë

Në orët e para të mëngjesit, në spitalin e Tropojës, është paraqitur shtetasi A. B., 23 vjeç, banues në Dojan, me dëmtime që dyshohet se janë shkaktuar nga goditja me mjet prerës. Aktualisht ai po merr mjekim dhe është jashtë rrezikut për jetën.

Nga veprimet e para hetimore dyshohet se shtetasi A. B. është plagosur me mjet prerës gjatë një konflikti për motive të dobëta, nga shtetasi O. L., 18 vjeç, banues në Bajram Curri.

Shtetasi O. L. është shpallur në kërkim dhe vijon puna për kapjen e tij.
Ndërkohë, grupi hetimor, në drejtimin e Prokurorisë së Kukësit, vijon punën për zbardhjen dhe dokumentimin e rrethanave të këtij rasti.

comment Për komente lëvizni më poshtë
Sot mund të lexoni Shfletoni kopertinat