Dekreti i Presidentit për Tiranën shkakton debat te Komisioni Ligjeve

Shqipëria

Dekreti i Presidentit për Tiranën shkakton debat te Komisioni Ligjeve

Më: 2 tetor 2025 Në ora: 17:40
Foto ilustrim

Dekreti i Presidentit Bajram Begaj për zgjedhjet në Bashkinë e Tiranës ka shkaktuar debat mes opozitës dhe mazhorancës në komisionin e ligjeve.

Oerd Bylykbashi deklaroi se Presidenti duhet të largohet nga detyra pas veprimit të kryer.

Kryetari i Komisionit të Ligjeve, Ulsi Manja kërkoi nga Bylykbashi që të mos dilte nga rendi i ditës por pavarësisht kësaj deputeti demokrat vijoi fjalën duke thënë se kryeministri Rama kishte ndikuar në këtë dekret të kreut të shtetit.

Komisioni i ligjeve hapi vakancën për 5 vendet e Komisionit Rregullator ( 2 PD dhe 3 PS), një nga tre shtyllat e KQZ-së, për shkak se iu mbaron mandati më 5 Tetor.

Vakanca u hap edhe për zëvendësimin e Lealba Pelinkut, nënkomisioneren që vjen nga radhët e PD-së. Anëtarët aktualë të komisionit rregullator do të vijojnë detyrën edhe përtej 5 tetorit deri në zgjedhjen e anëtarëve të rinj. Kandidatët për anëtar të KAS kanë 20 ditë kohë për të paraqitur dokumentet.

comment Për komente lëvizni më poshtë
Sot mund të lexoni Shfletoni kopertinat