Janë proceduar penalisht këtë të shtunë dy persona në fshatin Domen, Shkodër.
Kjo pasi u kapën në flagrancë me 3 armë gjahu në makinë, për të cilat dyshohet se do t’i përdornin për të kryer gjueti të paligjshme.
Sipas raportimeve, policia ka konstatuar 2 shtetasit duke udhëtuar me një automjet tip “Mitsubishi”, në të cilin, gjatë kontrollit, gjetën 3 armë gjahu me leje, municion luftarak, dy radio marrës–dhënës dhe një xhup me mbishkrimin “Policia”, të cilat u sekuestruan në cilësinë e provës materiale.
Materialet procedurale i kaluan Prokurorisë së Shkodrës, për veprime të mëtejshme.