Shpërthim i kontrolluar në tunelin e Llogarasë/ Eksploziv për hapjen e trasesë së rrugës në dalje të tunelit

Shqipëria

Shpërthim i kontrolluar në tunelin e Llogarasë/ Eksploziv për hapjen e trasesë së rrugës në dalje të tunelit

Më: 2 mars 2026 Në ora: 10:22
Foto ilustrim

Autoriteti Rrugor Shqiptar (ARRSH) thotë se sot në orën 11:30, rreth 1 kilometër nga dalja e tunelit të Llogarasë, në drejtim të Palasës, do të kryhet një shpërthim i kontrolluar me sasi të vogël eksplozivi.

Ky veprim thotë ARRSH është pjesë e punimeve për ndërtimin e segmentit rrugor të rrugëve lidhëse të Llogarasë dhe ka për qëllim hapjen e trasesë së rrugës, pa penguar trafikun.

Punimet janë koordinuar me Policinë e Shtetit për menaxhimin dhe garantimin e sigurisë së qarkullimit të mjeteve gjatë këtij procesi.

ARRSH kërkon mirëkuptimin e qytetarëve dhe drejtuesve të mjeteve deri në përfundimin e plotë të këtij procesi

“Në vijim të punimeve për ndërtimin e segmentit rrugor të rrugëve lidhëse të Llogarasë, sot në orën 11:30, rreth 1km nga dalja e tunelit të Llogarasë, në drejtim të Palasës, është parashikuar të kryhet një shpërthim i kontrolluar me sasi të vogla eksplozivi, në funksion të hapjes së trasesë së rrugës, pa penguar trafikun.

Punimet janë koordinuar me Policinë e Shtetit, me qëllim menaxhimin dhe garantimin e sigurisë së qarkullimit të mjeteve gjatë këtij procesi.  Kërkojmë mirëkuptimin e qytetarëve dhe drejtuesve të mjeteve deri në përfundimin e plotë të këtij procesi pune”, njofton ARRSH-ja.

comment Për komente lëvizni më poshtë
Sot mund të lexoni Shfletoni kopertinat