SHBA trajnon ekspertë shqiptarë për poligrafinë, forcohet bashkëpunimi në luftën kundër krimit ndërkombëtar

Shqipëria

SHBA trajnon ekspertë shqiptarë për poligrafinë, forcohet bashkëpunimi në luftën kundër krimit ndërkombëtar

Më: 25 korrik 2026 Në ora: 13:22
Pamje nga takimi

Shqipëria po forcon kapacitetet në luftën kundër krimit të organizuar dhe korrupsionit, falë një programi të ri trajnimi të mbështetur nga Shtetet e Bashkuara të Amerikës.

Ekspertë amerikanë kanë trajnuar specialistë shqiptarë të poligrafit, duke synuar rritjen e standardeve profesionale dhe të aftësive hetimore të institucioneve ligjzbatuese në vend.

Trajnimi përfshin përdorimin e teknikave moderne të poligrafit dhe shkëmbimin e praktikave më të mira ndërkombëtare, duke rritur besueshmërinë dhe profesionalizmin e strukturave shqiptare të sigurisë.

Ambasada e SHBA-së ka theksuar se investimi në trajnimin e specialistëve shqiptarë është pjesë e partneritetit afatgjatë mes dy vendeve dhe e mbështetjes për forcimin e shtetit ligjor. Sipas saj, një Shqipëri me institucione më të forta dhe më profesionale është një partnere më e besueshme në përballjen me krimin ndërkombëtar dhe sfidat e sigurisë

Sot mund të lexoni Shfletoni kopertinat