I armatosur me pushkë dhe 140 fishekë luftarakë, arrestohet 17-vjeçari në Tiranë

Shqipëria

I armatosur me pushkë dhe 140 fishekë luftarakë, arrestohet 17-vjeçari në Tiranë

Më: 15 nëntor 2026 Në ora: 09:55
Arrestohet 17-vjeçari në Tiranë

Një 17-vjeçar është arrestuar nga Policia e Tiranës pasi u kap duke lëvizur i armatosur me një pushkë dhe 140 fishekë luftarakë, të cilat i posedonte pa leje.

Ngjarja është regjistruar në rrugën e fshatit Allgjatë, ku shërbimet e Komisariatit të Policisë Nr. 6 ndërhynë pas informacioneve të siguruara në rrugë operative se një person po lëvizte i armatosur.

Gjatë operacionit të koduar “Guns 3”, policia ndaloi dhe arrestoi në flagrancë 17-vjeçarin, banues në Vaqarr.

Gjatë kontrollit, atij iu gjet një armë zjarri e dyshuar pushkë gjysmëautomatike, si dhe 140 fishekë luftarakë.

Materialet për rastin i janë referuar Prokurorisë për veprime të mëtejshme.

Sot mund të lexoni Shfletoni kopertinat