​ADN e vajzës që vdiq 7.200 vjet më parë, sekret i panjohur për njeriun

Speciale

​ADN e vajzës që vdiq 7.200 vjet më parë, sekret i panjohur për njeriun

Më: 29 gusht 2021 Në ora: 16:40
Kjo është hera e parë që gjenomi i lashtë njerëzor ka qenë nga ‘Wallacea’

Mbetjet e gruas, të mbiquajtur Bessé, u gërmuan në vitin 2015 nga një shpellë gëlqerore e quajtur Leang Panninge në ishullin indonezian Sulawesi.

ADN-ja nga eshtrat e një gruaje gjuetare që vdiq më shumë se 7,200 vjet më parë në ishullin indonezian Sulawesi ka zbuluar se ajo i përkiste një grupi të panjohur më parë të popullsisë njerëzore, sipas një studimi të ri.

Studiuesit vlerësuan se Bessé ishte rreth 17-18 vjeç në kohën e vdekjes së saj.

Vajza duket se ishte pjesë e kulturës Toaleane, e gjendur vetëm në këtë zonë e që rrjedh nga vala e parë e njerëzve modern që hynë në ishujt Wallacea përpara 50 mijë vjetësh, në atë që konsiderohet si kolonializmi i parë i Australisë së Madhe.

Bessé përfaqëson një ‘fosil gjenetik’ të rrallë që u përhap në kohën e ndarjes midis australianëve aborigjenë dhe papuanëve afërsisht 37,000 vjet më parë, sipas studimit të botuar në revistën Nature.

Kjo është hera e parë që gjenomi i lashtë njerëzor ka qenë nga ‘Wallacea’, një përcaktim biogjeografik midis Borneos dhe Guinesë së Re dhe portës për në kontinentin e Australisë.

"Toaleanët ishin gjahtarë-grumbullues të hershëm që jetonin në një ekzistencë të izoluar në pyjet e Sulawesit të Jugut nga rreth 8.000 vjet më parë deri në 1.500 vjet më parë, duke gjuajtur derra të egër dhe duke mbledhur butakë të ngrënshëm nga lumenjtë," tha profesori Adam Brumm, bashkë-udhëheqës i studimit nga Qendra Australiane e Kërkimit për Evolucionin Njerëzor Griffith, në një deklaratë të botuar në faqen e internetit të Universitetit.

Vajza e re, ndërmjet 17 dhe 18-vjeç, kishte paraardhës edhe nga një grup i veçantë nga Azia. Asnjë pasardhës i kësaj linje gjaku nuk ka mbërritur deri në ditët tona.

Shfaq komentet
comments powered by Disqus
Sot mund të lexoni Shfletoni kopertinat