"Të vdekurit mbajnë zi për atdheun" shfaqja në "Talia e Flakës”

Teatri

"Të vdekurit mbajnë zi për atdheun" shfaqja në "Talia e Flakës”

Më: 27 janar 2021 Në ora: 22:10
"Të vdekurit mbajnë zi për atdheun" shfaqja në "Talia e Flakës”

Me prezantimin e shfaqjes së Teatrit Kombëtar të Kosovës "Të vdekurit mbajnë zi për atdheun" është mbyllë edicioni i sivjetmë i Festivalit të Dramës Origjinale Shqipe "Talia e flakës 2021".

Adhuruesit e artit skenik patën rastin që për pesë net me radhë të shohin pesë shfaqje të ndryshme që i sollën, nikoqiri, Teatri i Qytetit të Gjilanit, Teatri “Muharrem Qena” nga Mitrovica, Teatri “Adriana” nga Ferizaj, Teatri “Avdush Hasani”, nga Podujeva, si dhe "Teatri Kombëtar i Kosovës."

Juria Profesionale e Festivalit në përbërje: Alban Shahiqi, Shkëlzen Berisha dhe Albana Muja, kanë vlerësuar shfaqjet/prurjet e këtij festivali si në vijim:

Me çmimin kryesorë, "Shfaqja më e mirë e festivalit" është nderuar Shfaqja "Të vdekurit mbajnë zi për atdheun", prodhim i TKK-së .

Juria vlerësuese ka vendosur edhe për çmimet tjera, si në vijim:

Skenografia më e mirë - Bekim Korça për dy shfaqje: "Të vdekurit mbajnë zi për atdheun" dhe "Makina e Dashurisë"

Çmimi "Prurje e re" i ka takuar regjisorit Besim Ugzmajli, për kompozim regjisorial në shfaqjen "Makina e dashurisë", produksion i Tetarit "Adriana" nga Ferizaj.

Aktorja më e mirë sipas vlerësimit të jurisë është shpallur Arta Selimi për rolin e saj në shfaqjen e natës finale "Të vdekurit mbajnë zi për atdheun" nga Teatri Kombëtar i Kosovës, ndërsa çmimi "Aktori më i mirë" i ka takuar Gani Rrahmani, për rolin e tij në shfaqjen e teatrit nikoqir, atij të Gjilanit, "Kosovo for dummies".

Çmimi "Regjia më e mirë" i është ndarë Erson Zymberit, për regjinë në shfaqjen fituese "Të vdekurit mbajnë zi për atdheun", nga TKK-së.

Çmimi "Drama më e mirë" i është ndarë tekstit "Të vdekurit mbajnë zi për atdheun" nga shkrimtari Beqir Musliu, prodhim i Teatrit Kombëtar të Kosovës.

Përndryshe, ndarja e çmimeve ka shënuar edhe fundin e edicionit të këtij viti të Festivalit të Dramës Shqipe "Talia e Flakës 2021", ndërsa rrjedha e Manifestimit do të vazhdojnë më 28 janar, kur mbahet Festivali i këngës për fëmijë “Xixat e Flakës”, ndërsa në ditën e fundit, më 31 janar, zhvillohen dy aktivitete – Ora e madhe letrare “Pena e Flakës”, ku shpallen edhe rezultatet e Konkursit Letrar në prozë e poezi, si dhe Festivali i Këngës Popullore “Fest Flaka 2021”, e cila këtë edicion nuk do të ketë karakter garues.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat