Kërkohet shkarkimi i Rakiqit për thyerjen e heshtjes zgjedhore

Aktuale

Kërkohet shkarkimi i Rakiqit për thyerjen e heshtjes zgjedhore

Më: 29 nëntor 2020 Në ora: 12:00
Goran Rakiq

Deputeti i Lëvizjes Vetëvendosje, Hajrulla Çeku, ka kërkuar shkarkimin e zëvendëskryeministrit Goran Rakiq për thyerje të rregullave të heshtjes zgjedhore.

Çeku në Facebook ka shkruar se thirrja e Rakiqit për të votuar subjektin të cilit i përket, për zgjedhjet lokale në Mitrovicën e veriut, “është shkelje e Ligjit për zgjedhjet”, duke shtuar se “nga ky moment as vota nuk është e lirë dhe as procesi nuk mund të jetë demokratik”.

Ai shkruan se ndaj Rakiqit duhet të iniciohen masat e domosdoshme, “duke filluar nga shkarkimi i tij”, shkruan ai.

Rakiq dhe deputeti i Listës Serbe, Igor Simiq, kanë thyer heshtjen zgjedhore duke kërkuar nga qytetarët e veriut të Mitrovicës që të dalin masivisht në zgjedhje e ta votojnë kandidatin e Listës Serbe, Milan Radojeviq.

commentFirst article
Sot mund të lexoni Shfletoni kopertinat