Kurti e informon ambasadorin e Turqisë për zgjedhjet e reja

Aktuale

Kurti e informon ambasadorin e Turqisë për zgjedhjet e reja

Më: 23 dhjetor 2020 Në ora: 15:36
Pamje nga takimi

Kryetari i Lëvizjes Vetëvendosje!, Albin Kurti, së bashku me tre deputetet e Lëvizjes që janë anëtare në Grupin e Miqësisë Kosovë-Turqi, Labinotë Demi Murtezi, Yllza Hoti dhe Fjolla Ujkani, pritën në takim ambasadorin e Turqisë në Kosovë, Çagri Sakar.

Gjatë takimit u diskutua rreth bashkëpunimit të deritanishëm mes Kosovës e Turqisë dhe gatishmërisë së dyanshme për vazhdimin e një bashkëpunimi të tillë. 

Sakar përmendi rëndësinë e solidaritetit shoqëror, shtetëror e ndërshtetëror në këto kohë të rënda të përballjes me pandeminë, duke theksuar njëkohësisht situatën e vështirë politike në Kosovë.

Kryetari Kurti shprehu falënderimin për përkrahjen dhe ndihmën e Republikës së Turqisë ndaj Republikës së Kosovës gjatë sfidës së vazhdueshme të ballafaqimit me pandeminë. 

Në këtë takim, u fol edhe për situatën politike në Kosovë pas Aktgjykimit të fundit të Gjykatës Kushtetuese e në prag të zgjedhjeve të reja.

Të dy palët u shprehën të gatshëm të vazhdojnë bashkëpunimin dhe takimet.

comment Për komente lëvizni më poshtë
Sot mund të lexoni Shfletoni kopertinat