Pas vendimit të Gjykatës Kushtetuese që çoi vendin në zgjedhje, partitë politike kanë filluar të organizohen.
Publicistja Kimete Berisha pritet t’i bashkëngjitet listës së kandidatëve për deputetë nga radhët e Lëvizjes Vetëvendosje.
Kimete Berisha edhe më herët në shumë nga shkrimet e saj kishte mbrojtur kreun e VV-së, Albin Kurti.
Ajo kishte bërë të ditur se me Kurtin njihen shumë gjatë, që nga koha e protestave studentore të cilave u printe Albin Kurti.
Postimi i saj:
Të rinj, ky i pashëm, e për vete s'po flas se po shihet me sy t'lirë ☺️...Të robëruar, të varfër, të rrebeluar.
Guximi im mund të quhet 'papjekuri', se çdo ditë udhëtoja nga veriu i Mitrovicës, e ky i guximshëm me vetëdije...
Në protestën studentore, e frymëzuar nga Teki Dërvishi.
Në vend se me vujt për dashni, ne vuanim për Liri.
Se qysh thotë ajo fjala e famshme:
'Për Dashni e jap Jetën, por për Liri e jap edhe Dashninë'.
Unë gazetare e 'Bota sot', Albini lider i protestave studentore ❤️❤️.
Pasha Rininë, e kemi dasht shumë Lirinë.
Kur u njoftuan me Lirinë, Ajo e mori fytyrën e Lakmisë.
Kjo 'lloj' Lirie kurrë nuk u bë më e bukur se Ne!
P.S. Nuk jam nacionaliste (qysh më 'akuzon' Berat Buzhala, i cili diçka kohëve të fundit 'u ftof' prej meje), por jam krenare, inatçore, kokëfortë dhe e pakompromis...
S'du, për asnjë çmim nuk pranoj me 'm'grah' kurrkush.
Nëse s'jam e lirë, thjesht, s'du me ekzistu.
