Çfarë thonë në Skënderaj një ditë pas vizitës së Albin Kurtit?

Aktuale

Çfarë thonë në Skënderaj një ditë pas vizitës së Albin Kurtit?

Më: 2 shkurt 2021 Në ora: 20:56
Albin Kurti

Albin Kurti u përcoll nën masa sigurie gjatë ecjes në sheshin kryesor të Skënderajt mbrëmjen e së hënës.

Kjo pasi gjatë kalimit të kandidatit të Lëvizjes Vetëvendosje për kryeministër hasi në një grup qytetarësh që nuk e donin atë në Drenicë. Të njëjtit gjuajtën me vezë në drejtim të tij.

Disa qytetarë thonë se situata e tillë nuk do të duhej të ndodhte. Por, ka që e shohin provokim prezencën e shtuar të policisë. Të tjerë thonë se asnjë politikan nuk duhet ndjerë i rrezikuar në Skënderaj.

Pas kësaj ngjarje, Kurti u prit ngrohtë në fshatin Polac në odën e familjes Koci. Aty premtoi vende pune për të rinjtë, kategori që në këtë fshat janë duke ikur jashtë vendit.

Për ngjarjen e përfolur ende nuk është dhënë ndonjë version nëse partia e ka ftuar policinë ta mbrojë Albin Kurtin, apo forcat e rendit e kanë parë vetë të arsyeshme një gjë të tillë.

Shfaq komentet
comments powered by Disqus
Sot mund të lexoni Shfletoni kopertinat