Ish-këshilltari i Thaçit: Kurti duhet ta bëjë referendumin për bashkim kombëtar, votat s’janë problem

Aktuale

Ish-këshilltari i Thaçit: Kurti duhet ta bëjë referendumin për bashkim kombëtar, votat s’janë problem

Më: 18 shkurt 2021 Në ora: 11:53
Adil Behramaj

Ish-këshilltari i Hashim Thaçit, Adil Behramaj, tha se është koha që Kurti t’i mbajë premtimet për bashkimin e Kosovës me Shqipërinë.

Këtë deklaratë Behramaj e dha pasi Kurti për median gjermane Deutschlandfunk, ka potencuar se Kushtetuta e Kosovës e ndalon një bashkimi të tillë.

“Albin Kurti menjëherë ia paska nisur të flasë si UNMIK-u dhe Ban Ki-moon”, vlerësoi ish-këshilltari Thaçit.

Ai shtoi se “Njëjtë ka qenë edhe më herët, por Kurti premtonte se do ta bënte. Pasi që po e merr pushtetin iu kujtua që qenka antikushtetues”.

Kurti më pas kishte deklaruar se nëse do të organizohej një referendum do të votonte pro bashkimit me Shqipërinë.

“Jo, jo, Kurti tash e ka shumicën dhe duhet ta organizojë vetë referendumin. Ligjin aktual për referendum brenda 1 jave mund ta plotësojë/ndryshojë dhe procedojë në Kuvendin e Kosovës. Me kënaqësinë më të madhe, të gjitha partitë shqiptare, do ta votonin. Kurrfarë problemi nuk janë votat për këtë punë”, ka shkruar ai në Facebook.

comment Për komente lëvizni më poshtë
Sot mund të lexoni Shfletoni kopertinat