Deputeti i VV-së e komenton deklaratën e Haradinaj për Kurtin

Aktuale

Deputeti i VV-së e komenton deklaratën e Haradinaj për Kurtin

Më: 16 qershor 2021 Në ora: 22:43
Artan Abrashi

Deputeti i Lëvizjes Vetëvendosje, Artan Abrashi, ka komentuar deklaratën e liderit të AAK-së, Ramush Haradinajt, i cili tha se kryeministri i Kosovës, Albin Kurti ‘nuk është normal, ka lujt’.

Abrashi thotë se nuk e di se ku po e merr guximin Haradinaj të thotë diçka të tillë.

“Unë nuk e di a ka krediciale profesionale me bo vlerësime të tilla dhe nuk po e di ku po e merr këtë guxim me bo diçka të tillë. Nëse guxoj edhe unë me u shpreh, atëherë opozita ka lujt”, tha Abrashi.

Kujtojmë se dje, Haradinaj gjatë diskutimit për takimin mes Kurtit dhe Vuçiqit në Bruksel, tha se ‘Kurti nuk është normal’.

“Unë du me kalu në finale, finalja për mua është njohja reciproke. Ndërsa ky jep SEFTA e marrëveshje të paqes, atëherë ky ka lujt, besoni ka lujt, ky njeri nuk është normal, çka i ka bo ky Kosovës, ky nuk është normal”, tha Haradinaj.

Shfaq komentet
comments powered by Disqus
Sot mund të lexoni Shfletoni kopertinat