Këtë këshillë e mori Uran Ismaili nga Vlora Çitaku

Aktuale

Këtë këshillë e mori Uran Ismaili nga Vlora Çitaku

Më: 1 korrik 2021 Në ora: 00:14
Vlora Çitaku

Ajo që pritej të kandidonte për kryetare të PDK-së, e që nuk e bëri këtë hap, u pa sonte në tubimin ku Uran Ismaili e shpalli kandidaturën për kryetar të Prishtinës.

Ish-diplomatja Vlora Çitaku, në fjalimin e saj, tha se e njeh Ismailin prej kohësh, se ia di simpatitë e para dhe e di kur është njoftuar me dashurinë e jetës, Arizonën, por tash që ai ka vendosur t’i hyjë garës për kryetar të Prishtinës, i dha disa këshilla. I tha që të mos merret me çështje që nuk i takojnë, por të jetë i fokusuar në punët në Prishtinë. 

“Për ta qeverisur Prishtinën duhet plan, duhet punë, duhet ekip, duhet përkushtim. Qyteti nuk mund të bëhet përderisa kryetari i Prishtinës merret ose me dialogun, ose me shërbime karshi liderëve partiakë, ose me shërbime karshi ndërtuesve”, ka deklaruar Çitaku.

Nga përvoja e saj si ambasadore në Washington, ajo tha se ka parë se si zhvillohen qytetet dhe sa rëndësi i jepet diversitetit kulturor dhe edukativ.  Çitaku ka argumentuar se në Prishtinë nuk mungon potenciali, por siç ka thënë ajo, përgjatë kohë ka munguar lidershipi i qytetit, “ka munguar dikush që merret ekskluzivisht me qytetin”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat