Drejtori ekzekutiv e Organizatës “Çohu”, Arton Demhasaj thotë se mandate i EULEX-it në Kosovë ka qenë politikë.
“Edhe Simmons po e thotë tash që EULEX-I ka bërë shantazhe politike në lidhje me marrëveshjet në dialog. Edhe politikanët e fortë e kanë përdorë EULEX-in e për të eliminuar politikanë të caktuar nga politika”, tha ai në “Debat Plus”.
Ai thotë se EULEX- në Kosovë ka përgjuar me të madhe dhe pa respektuar procedurat ligjore.
“EULEX-i ka bërë përgjime me të madhe në Kosovë pa ndonjë procedurë. Pastaj pas përgjimeve kanë filluar hetimet. Edhe nëse e kanë bërë me procedura, ata vetë i kanë bërë procedura formale. Ata madje kanë përgjuar edhe persona që nuk guxon të përgjohen në Kosovë. Fjala është për ish-presidenten Jahjaga”.
Demhasaj thotë se përgjimi i Jahjagës është bërë për shkak të një hetimi që ekzistonte në polici.
“Meqë Jahjaga mbante vazhdimisht kontaktet me ish-kolegët e saj, ajo ka përfunduar e përgjuar”, deklaroi tutje Demhasaj.
